Lleisiau Ifanc dros Natur – Our Beautiful Wild!
Cafwyd misoedd o waith caled, gweithdai o gwmpas y DU, dwsinau o sesiynau ar-lein, dosbarthiadau meistr gan arbenigwyr y diwydiant a sgyrsiau a chyngor gan grŵp llywio ieuenctid ymroddedig. Ond bu’n werth chweil. Dyma ni’n cyflwyno ichi ffilm natur bwerus a wnaed gan bobl ifanc i bobl ifanc - "Our Beautiful Wild.”
Hoffech chi gyflwyno sioe?
Os yw’r ffilm wedi’ch ysbrydoli chi ac rydych yn awyddus i gymryd rhan, hoffem eich helpu chi i drefnu’ch dangosiad eich hun o’r ffilm a rhannu ei neges â’ch ffrindiau, eich teulu neu’ch cymuned. Gallai hyn fod yn yr ysgol, gartref neu fel rhan o grŵp ieuenctid. Dim profiad – dim problem! Gallwn ni eich helpu chi drwyddi.
Cofrestrwch i dderbyn adnoddau a fydd yn eich helpu chi i wneud hynny, gan gynnwys popeth sydd ei angen i’ch rhoi ar ben ffordd.
Ydych chi wedi cynnal dangosiad yn barod?
Os ydych chi wedi trefnu dangosiad o’r ffilm ‘Our Beautiful Wild’ yn barod, rydyn ni eisiau gwybod! Diolch am gefnogi’r prosiect a rhannu’r neges.
Adrodd Straeon trwy Ffilm
Ydych chi wedi gwylio “Our Beautiful Wild“ ac wedi’ch ysbrydoli gan brosiect Lleisiau Ifanc dros Natur?
Beth am ychwanegu eich llais eich hun at y stori fawr? Mae ein adnoddau yn llawn tipiau ar adrodd straeon, gwneud ffilmiau a chreu newid.
Neu gallwch archwilio ystod eang o fideos sy’n llawn cyngor gan arbenigwyr o’r diwydiant. O olygu ffilm i ddarlunio, mae fideos sy’n trafod ystod eang o bynciau i’ch helpu i ehangu eich sgiliau.
A chofiwch #LleisiauIfancDrosNatur #YoungVoicesForNature a #AchubEinHynysoeddGwyllt #SaveOurWildisles.
